Educación Física - AmareMuros

 O 2 de decembro participamos na 1ª xornada de campo a través en Noia, unha mañá deportiva moi saudable, de convivencia con outros centros da comarca, donde os nenos e nenas de 2º a 5º de primaria demostraron que con esforzo todo se consegue. Moitos levaron medalla por quedar entre os dez primeiros da súa categoría, pero moitos máis quedaron con ganas de repetir. Xornada de atletismo moi ben organizada na pista de Noia, así que felicidades á organización e por suposto a todo o alumnado que chegou a meta. https://drive.google.com/file/d/1icYXRiLY-mKMD9-cfMSiCWKzvPnWYPEk/view?usp=drive_link

 Nstas datas facemos actividades relacionadas coas festas de Nadal, en Educación Física tamén o queremos celebrar dunha forma práctica e divertida, aquí mostramos algunhas imaxes.

 Os nenos e nenas de 3ºA e 3º B visitaron o Club de Remo de Muros, alí os monitores do club informáronlles da súa oferta deportiva, os grupos e os horarios de adestramento. Tamén por suposto unha charla sobre o Remo , tanto teórica como práctica, coñeceronm as instalacións e tiveron tempo para practicar no ximnasio, no remoergómetro e na piscina. Esperamos que moitos se animen a practicar remo, un deporte con tanta tradición en Muros.

Dentro do programa "Máis e Mellor actividade Física" traballamos de maneira activa os contidos doutras áreas, neste caso as formas xeométricas nas clases de 1º A e 1º B. Aprenderon as distintas formas xeométricas a través do seu corpo e en equipos cooperativos, razoamento matemático gracias ao movemento.   

 Como cada ano fomentamos o uso do trompo nas datas cercanas ao magosto, os nenos e nenas traen os trompos e os bailan tanto nos recreos como na área de Educación Física, para mellorar a técnica tivemos aos mellores exopertos en péons: moitos familiares dos alumnos e alumnas acercáronse o día do Magosto a darlle unhas clases de trompo, un proxecto interxeracional moi interesante e que seguro repetiremos! https://abalarbox.edu.xunta.gal/index.php/s/X4xpk6Aa9Ctbqaa

Un dos obxectivos do noso proxecto de vida activa e deportiva é que todas as conmemoracións teñan unha parte de actividade física. Neste caso celebramos o Magosto a través de xogos con castañas para todos o centro. O noso alumnado de 6º de primaria converteuse por un día en monitores deportivos e guiaron ao resto de escolares do centro nos diferentes xogos. Tamén houbo tempo para comer castañas! https://abalarbox.edu.xunta.gal/index.php/s/X4xpk6Aa9Ctbqaa

Os nenos e nas de 6º A e 6º B xuntámonos os martes para traballar xuntos e xuntas os contidos da área de Ciencias Naturais. Queremos levar a cabo unha metodoloxía activa para que aprendan os contidos de maneira práctica e divertida, así ademai s de chegar mellor aos contidos e aprendelos de maneira significativa, aproveitamos para que melloren a súa saúde. Nesta sesión repasamos a clasificación de alimentos a través de xogos de relevos, traballamos tamén o semáforo de alimentos , o plato de Harvard e a lectura de etiquetas.